AF268: 76r

beqā ummaq baṣīret gözin yummaqdur sipihr‑i bī‑mihrden vefā ricā ėtmek dėyü merdüm‑ḫᵛāra ilticā ėtmekdür naẓm // çarḫ‑i mīnā‑fām olubdur [...] āyīne mehdī [?] yoqdur māh‑rūlar gibi baqma āyīne ġurre olma sūd‑i pür ḫasrān [?] dünyāya ṣaqın // naqd‑i ʿömrüñ dīndür vėrmek gerekdür dāyine zāl‑i dünyā dāmeninden ḥırṣ destin ile qıṭʿa mihr mis̱lin vėr [?] daḫı ʿarż ėt // ṭalāq bāyine dār‑i dünyā bir misāfir‑ḫānedür kim her zemān riḥlet eyler‑ise biri qonar birisi cāyına bu maqālāt // ʿibret‑āmīz ve muqaddemāt‑i ḥikmet‑engīz tertībinde [?] maqṣūd‑i aṣlı ve ʿarż‑i küllī sulṭān‑i ʿArab u Rūm ve qahramān‑i Qırum [?] // Sulṭān Selīm Ḫān ḥażretlerinüñ ḫātime‑i eyyām‑i devleti ve ser‑encām‑i hengām‑i salṭaneti ne vech‑ile olduġın ḫāme‑i siyeh‑pūş // lisānı ile ve kilk‑i pür‑ḫurūş beyānı ile ʿibret bünyān‑i rūzgāra ismāʿ ve ol maṣīre ʿālem‑i sūz‑i şuʿlesin derūn‑i // cānlarda īqāʿ u ilmāʿ ėtmekdedür ḫulāṣa‑i maqāl‑i ḫurqat‑meʾāl bu minvāl üzredür ki merḥūm vālid ḥikāyet eyler‑idi ki // ol şāh‑i yemm‑şīm sulṭān‑i ʿArab u ʿAcem sene sitt ve işrīn ve tisʿmiʾe Şaʿbānında dārü s‑salṭanete Edirne ṣuyına // revāne olmaġı muqarrer ėdüb vüzerā dārgāh‑i dīvānī muqaddemā ordu‑yi hümāyūn‑i hāmūn‑pūya lāzım olan icmāl // u es̱qāl–i vāfire vü ḫazāyin‑i ʿāmire ile maqām‑i maʿhūda ve menzil‑i mevʿūda revāne qıldılar ṣāḥib‑ṣāyib‑i rāy‑i Ferhād Paşayı rikāb‑i // kāmyāb‑i pādişāhī mülāzemeti ile mubāḥī [?] eylediler qabīl‑i riḥletde bir gün maqarr‑i seʿādetleri olan qaṣr‑i bī‑quṣūr ve dāru // s‑sürūrlarından çıqub sarāy‑i ʿāmire dāmeninde olan bāġ‑i dil‑küşā vü rāġ‑i sürūr‑efzāya seyr‑i ṭarīqi ile nüzūl ėtdiler // [...] gül‑geştden bāzgeştleri hengāmında bu [...] çıqar ikenol ẓahīr‑i dīn‑i islām ẓahr‑i şerīflerinde iḥsāsın // ėtdükleri sūziş ü elemden bī‑ārām olub bu bende‑i efgendelerine ḫiṭāb ėdüb buyurdılar ki arqama gūyā ki bir ḫār // batub āzār vėrür bu ḥaqīr daḫı eyitdüm ki cāyiz ki eşcār‑i bāgdan düşüb pīrāhene bend olmış ola fermān buyurılursa // görilsün buyurdılar ki cāyiz idi hemān‑dem iskemleci [?] getürdügi kūrsī‑yi [?] zerrīni getürdi şāh‑i taḫt‑nişīn daḫı // kürsi üzre oturdı mübārek yaqalarından elümi idḫāl ėdüb her çend tefaḥḥüṣ ėtdüm nesne bulmadum mübārek // arqaları ġāyetde şiʿr‑dār olmaġın mesḥ‑i yed ėtmekle nesne iḥsāsın ėdemedüm qıyām ėdüb bir miqdār gitdükden ṣoñra // ve [...] şikāyetlerin tekrīr ėdüb buyurdılar bu kerre tükmelerin açub naẓar ėtdüm miyān‑i mūdan nā‑gāh gördüm ki ser‑mū deñlü // yaranmadub [?] eṭrāfı surḫ olmış mess ėdicek aşaġa oldur dėdiler ne maqūle nesnedür dėyü suʾāl [?] buyurıcaq beyān ėtdüm // buyurdılar bir pāre [...] ben‑daḫı mesḥe ve vasaṭı ile kenārını ġamz‑i yesīr [?] ėtdüm [...] miyānı kemāl‑i ṣalāyet üzre bir ʿudde‑i // ʿaẓīme ile ṭoldı bī‑iḫtiyār olub seʿādetlü pādişāhum bir ʿaẓīm ü medddür [?] henūz ḫāmdur [...] bulmamış‑iken zedelemek [?] cāyiz degüldür